قتل کا اندوہناک واقعہ فیصل آباد کے علاقے ملت ٹاؤن میں پیش آیا جہاں نایاب نامی مقتول ٹک ٹاکر اپنے بھائی کے ساتھ موٹرسائیکل پر جارہا تھا کہ نامعلوم افراد نے فون چھیننے کی کوشش میں انہیں روکا۔

مزاحمت پر مسلح افراد نے مبینہ طور پر فائرنگ کردی، جس کے نتیجے میں نایاب کو گولی لگی اور وہ زخموں کی تاب نہ لاتے ہوئے چل بسا جبکہ اس کا بھائی محفوظ رہا۔

بعد ازاں مقتول کی لاش کو مقامی اسپتال منتقل کیا گیا۔

پولیس سپرنٹنڈنٹ زونیر کا کہنا ہے کیس میں چند چیزیں سامنے آئی ہیں۔

انہوں نے کہا کہ جب پولیس نے حقائق جاننے کے لیے کیس کی تفتیش شروع کی تو متاثرہ کے اہل خانہ نے پولیس کو بتایا کہ مقتول اپنے بھائی کے ساتھ اپنے دوست کو کچھ پیسے دینے گیا تھا، لیکن انہیں مبینہ طور پر اسٹریٹ کرمنلز نے روک لیا، جنہوں نے فون چھیننے کی کوشش میں اسے گولی مار دی۔