ترجمان اے این ایف کے مطابق لاہورانٹرنیشنل ائیرپورٹ پر اے این ایف اور اے ایس ایف نے مشترکہ کارروائی کے دوران بنوں کے رہائشی ملزم کے بیگ سے 620 گرام چرس برآمد کی، جو نجی فلائٹ سے شارجہ جا رہا تھا۔

راولپنڈی بحریہ ٹاؤن فیز 7میں راولپنڈی کے رہائشی ملزم سے 120 گرام آئس برآمد کی ہے۔ کوئٹہ میں پشین کے رہائشی ملزم سے 24 کلو چرس ، ایک عدد پستول اور دو میگزین برآمد کیے گئے ہیں۔

اسی طرح کوہاٹ اور خیبر کے علاقہ سے پلاسٹک کے تھیلوں سے 37 کلو 185 گرام چرس برآمد ہوئی ہے۔

ترجمان کا کہنا ہے کہ تمام گرفتار ملزمان کے خلاف مقدمات درج کرکے تحقیقات کا آغاز کر دیا گیا ہے۔