’اسلام آباد میں کنٹینر ایسے پڑے ہیں جیسے کوئی اور ہی حالات ہیں‘ عدالت

none@none.com (آصف نوید) — Mon, 14 Nov 2022 12:12:06 +0500

اسلام آباد ہائیکورٹ نے پی ٹی آئی دھرنا اورسڑکوں کی بندش کیخلاف کیس کی آئندہ سماعت پرآئی جی اسلام آباد سے رپورٹ طلب کرلی۔

چیف جسٹس ہائیکورٹ عامرفاروق نے راستوں کی بندش سے متعلق رپورٹ پیش کرنے کی ہدایت کرتے ہوئے کہا کہ آئی جی اسلام آباد 17نومبرکورپورٹ پیش کریں۔

آج کی سماعت میں وزارت داخلہ کے جوائنٹ سیکرٹری شبیرخٹک عدالت میں پیش ہوئے۔

جسٹس عامرفاروق نے ریمارکس دیے کہ موٹروے وفاقی حکومت کا سبجیکٹ ہے، حکومت اسے کیوں نہیں کھلواتی۔

ایڈیشنل اٹارنی جنرل نے کہا کہ لاءاینڈآرڈرصوبائی حکومت کامعاملہ ہے، اس پر چیف جسٹس ہائیکورٹ نے کہا کہ پارلیمنٹ کے سامنے بھی احتجاج ہوتاہے پھروہ کیوں آپ بند کرتے ہیں۔

چیف جسٹس ہائیکورٹ عامرفاروق نے اپنے ریمارکس میں مزید کہاکہ پورے اسلام آباد میں کنٹینرایسے پڑے ہیں جیسے کوئی اورہی حالات ہیں، کنٹینرلگانے کےبجائے کوئی اورطریقہ استعمال کیوں نہیں کرتے۔

Aaj TV - Pakistan

’اسلام آباد میں کنٹینر ایسے پڑے ہیں جیسے کوئی اور ہی حالات ہیں‘ عدالت