مسرت جمشید چیمہ نے لکھا کہ ”اللہ صحت دے لیکن اس خاندان کا کورونا بہت سیاسی ہے، جب بھی مریم نے سائلنٹ موڈ میں جانا ہو تو کورونا ہو جاتا ہے۔“

انہوں نے وزیر اطلاعات مریم اورنگزیب کے ٹوئٹ کے جواب میں مزید لکھا کہ ”اب اہم فیصلوں کو لٹکانے کے لیے ایک اور سیاسی قرنطینہ ہوگیا۔“

خیال رہے کہ لندن سے وطن واپسی کے بعد سے ہی وزیراعظم کی طبیعت ناساز تھی، انہوں نے پاکستان واپس آنے کے بعد اپنی سرگرمیاں محدود رکھیں، جب ان کا کورونا ٹیسٹ کرایا گیا تو وہ مثبت آیا۔

شہباز شریف لندن میں آرمی چیف کی تعیناتی اور ملکی سیاسی صورت حال پر مشاورت کیلئے اپنے بھائی اور مسلم لیگ (ن) کے قائد نواز شریف کے پاس پہنچے تھے۔

وطن واپسی پر وزیر اعظم کی جانب سے اتحادیوں کا اجلاس بلانے کا امکان تھا، تاکہ نئے آرمی چیف کی تقرری اور پی ٹی آئی لانگ مارچ سمیت دیگر اہم معاملات پر نواز شریف کے ساتھ ہونے والی مشاورت پر انہیں اعتماد میں لیا جا سکے۔