ادارہ شماریات کی جاری کردہ رپورٹ کے مطابق پاکستان کی آبادی 22 کروڑ سے تجاوز کر گئی ہے، ملکی آبادی 22 کروڑ 4 لاکھ 25 ہزار 254 ہوگئی ہے۔

رپورٹ میں بتایا گیا کہ ملک میں مرد افراد کی تعداد 11 کروڑ 16 لاکھ 93 ہزار 464 جب کہ خواتین کی تعداد 10 کروڑ 87 لاکھ 31 ہزار 790 تک پہنچ گئی ہے۔

ادارہ شماریات کا بتانا ہے کہ پاکستان میں شہری آبادی 8 کروڑ 10 لاکھ 14 ہزار 134 ہے جب کہ دیہی آبادی 13 کروڑ 94 لاکھ 11 ہزار 124 ہے۔

خیال رہے کہ 2017 کی مردم شماری میں پاکستان کی آبادی 20 کروڑ 76 لاکھ سے زائد تھی۔

دوسری جانب دنیا اقوام متحدہ کی جانب سے آج 15 نومبر2022 کو ’ڈے آف8 بلین‘ کے طور پر منایا جا رہا ہے کیونکہ آج دنیا کی آبادی 8 ارب تک پہنچ چکی ہے۔