جنت مرزا نے سال 2021 کے جون میں ایک انسٹاگرام پوسٹ کے ذریعے وضاحت کی تھی کہ ہماری منگنی نہیں ہوئی، جب بھی میری منگنی ہوگی مداحوں کو ضرور بتاؤں گی، فی الحال ایسا کچھ نہیں ہے، اس کے بعد انہوں نے ٹی وی پروگرام کے دوران بتایا تھا کہ ان کی بات پکی ہوئی ہے۔

تاہم گزشتہ روز ٹک ٹاکر جنت مرزا نے انسٹاگرام پر اسٹوری شیئر کرکے اپنے منگیترعمر بٹ سے علیحدگی کا اعلان کیا تھا۔

اسٹوری میں ان کا کہنا تھا کہ وہ اب کسی سے ریلیشن شپ میں نہیں اور سنگل ہیں، اس کے ساتھ ہی انہوں نے مداحوں کو اس کی وجہ نہ پوچھنے کی تنبیہہ بھی کی تھی۔

جنت مرزا کی انسٹا اسٹوری تیزی سے سوشل میڈیا پر وائرل ہوئی اور یہ خبریں چلنے لگیں کی جنت مرزا نے عمر بٹ رشتہ ختم کردیا ۔

تاہم اب ٹک ٹاکر نے اس حوالے سے ایک اور پیغام شیئر کیا جس میں انہوں نے عمر بٹ سے علیحدگی کی وجہ خود ہی بتادی کہ ’اتنی سی بات تھی‘۔

انسٹاگرام پر اسٹوریز کی ایک سیریز میں انہوں نے اس مذاق سے پردہ اٹھاتے ہوئے کہا کہ عمر بٹ نے انہیں بغیر بتائے کلین شیو کروالی جس پرانہوں نے بھی مذاق میں تعلق ختم کرنے کا اعلان کردیا۔

انہوں نے کہا کہ جب آپ کا محض ایک طنزیہ بیان سامنے آئے وہ بھی صرف اس لیے کہ آپ کے بندے نے آپ سے بغیر پوچھے کلین شیو کروالی ہو تو لوگ پوری بات جانے بغیرسنجیدہ ہوجائیں۔

انہوں نے ایک اور پوسٹ میں لکھا کہ کوئی بریک اپ نہیں ہوا کوئی رشتہ نہیں ٹوٹا ۔ معذرت عمر لیکن جب تک آپ کی داڑھی واپس نہیں آتی میں ناراض ہوں ۔