مریم نواز نے ٹوئٹر پار جاری پیغام میں کہا کہ گھڑی کس کو بیچی، نام بتاؤ، پیسہ پاکستان کیسے منگوایا، وہ بتاؤ۔

انہوں نے مزید کہا کہ دوسروں کو چور کہنے والا پاکستان کا سب سے بڑا چور نکلا۔

عمران خان نے اپنے ایک بیان میں کہا تھا کہ بس بہت ہوگیا، کل جیو اور خانزادہ نے سرپرستوں کی مدد سے ایک مشہورِ زمانہ دھوکے باز اور عالمی سطح پرمطلوب مجرم کی تراشی گئی، بے بنیاد کہانی کے ذریعے مجھ پر بہتان تراشی کی۔ میں نے اپنے وکلاء سے بات کی ہے اور میں جیو، خانزادہ اور اس دھوکے باز کیخلاف پاکستان میں ہی نہیں بلکہ برطانیہ اور متحدہ عرب امارات میں بھی قانونی چارہ جوئی کا ارادہ رکھتا ہوں۔

دوسری جانب زمان پارک لاہور میں صحافیوں سے گفتگو میں عمران خان نے کہا کہ گھڑی اسلام آباد میں بیچی جس کے ثبوت موجود ہیں۔