سوشل میڈیا پرویڈیو وائرل ہے جس میں چینی صدرکیمروں کی موجودگی میں ہی جسٹن ٹروڈو کے سامنے اپنے تحفظات کا اظہارکر رہے ہیں۔

یہ واقعہ انڈونیشین شہربالی میں منعقدہ جی 20 اجلاس کے موقع پر پیش آیا جب دونوں رہنماؤں کے درمیان باہمی سطح پرکی جانے والی بات چیت کے مندرجات لیک ہوگئے ۔

شی جن پنگ کینیڈین وزیراعظم کے سامنے گفتگو لیک ہونے پر ناراضگی کااظہار کرتے ہوئے کہہ رہے ہیں کہ یہ ہماری بات چیت اخبارات کو لیک کرنا نامناسب ہے۔

چینی صدرنے کہا کہ اگرآپ کی جانب سے ایمانداری کا مظاہرہ کیا جاتا تو گفتگواس پیرائے میں نہیں کی گئی تھی جس طرح سے ظاہرکی گئی۔

جواب میں کینیڈا کے وزیراعظم انہیں یہ یقین دلانے کی کوشش کرتے ہیں کہ ہم آزادانہ مکالمے پریقین رکھتے ہیں، لیکن چینی صدر نے یہ توجیہہ مستردکرتے ہوئے جواب میں کہا کہ اس کیلئے کوئی اورطریقہ واصول اپنایا جاسکتا ہے۔

اس گفتگو کے بعد شی جن پنگ ٹروڈو سے مصافحہ کرنے کے بعد وہاں سے روانہ ہوجاتے ہیں۔