ٹوئٹرپرملک کے ڈیفالٹ ہونے کے تیزی سے بڑھتے ہوئے خطرے کو اُجاگرکرنے والے عمران خان نے لکھا کہ میں نے پہلے ہی پیشگوئی کردی تھی کہ حکومت تبدیل کرنے کی سازش ہماری قرض واپسی کی صلاحیت برباد کرتے ہوئے معیشت کو تباہی کے گڑھے میں اتاردے گی۔

چیئرمین پی ٹی آئی نے برسراقتدار شریف فیملی کے علاوہ سابق صدر آصف زرداری کو بھی تنقید کا نشانہ بناتے ہوئے انہیں ملک میں معاشی بہتری لانے کی صلاحیت سے محروم قرار دیا۔

انہوں نے لکھا، ”پاکستان پرکم وبیش 3 دہائیوں تک راج کرنے والے دومجرم خاندان معیشت کی تعمیرمیں کبھی سنجیدہ تھے اور نہ ہی ان میں اس کی صلاحیت تھی“ ۔