جدہ میں پاکستان قونصلیٹ میں خطاب کرتے ہوئے ن لیگ کے رہنماء احسن اقبال نے کہا کہ 6 ماہ پہلےیہ بحث ہوتی تھی کہ پاکستان کو سری لنکا بننے میں 2 ہفتے لگیں گے یا 4 ہفتے لیکن ہم نے حکومت میں آتے ہی سب سے پہلے آئی ایم ایف سے وہ پروگرام بحال کرایا جو گزشتہ حکومت جاتے جاتے توڑ گئی تھی۔

وفاقی وزیر نے کہا کہ تمام اداروں کی پشت پناہی جس طرح گزشتہ حکومت کو ملی وہ آج تک کسی حکومت کو نہیں ملی، جب اداروں نے غیر جانبدار رہنے کا اعلان کیا تو پی ٹی آئی نے ان کو میر جعفر اور میر صادق کہنا شروع کردیا۔

احسن اقبال نے مزید کہا کہ سعودی عرب میں مقیم پاکستانی سعودی عرب کے قوانین کا احترام کرتے ہوئے پاکستان کا نام روشن کریں۔