وزیر اعظم شہباز شریف نے ڈاکٹر توقیر شاہ کی والدہ کے انتقال پر اظہار افسوس کرتے ہوئے لواحقین سے تعزیت کا اظہار کیا۔

وزیراعظم شہباز شریف کا کہنا تھا کہ ڈاکٹر توقیر شاہ کی والدہ کے انتقال کے بارے میں جان کر مجھے بہت دکھ ہوا ہے، اللہ تعالیٰ سے دعا ہے کہ وہ ان کی روح کو ابدی سکون میں رکھے، میری دعائیں سوگوار خاندان کے ساتھ ہیں۔

وزیر اطلاعات مریم اورنگزیب نے بھی وزیراعظم کے پرنسپل سیکریٹری ڈاکٹر توقیر شاہ کی والدہ کے انتقال پر رنج و غم اور افسوس کا اظہار کیا ہے۔

مریم اورنگزیب نے اہل خانہ کے ساتھ ہمدردی کا اظہار کرتے ہوئے کہا کہ اللہ تعالیٰ مرحومہ کو جنت الفردوس میں اعلی مقام عطا فرمائے اور اہل خانہ کو صبر جمیل دے، آمین!