انٹرنیشنل کرکٹ کونسل (آئی سی سی) نے پلیئرزکی نئی ٹی20 اور ون ڈے رینکنگ جاری کردی ۔

ٹی 20 رینکنگ بیٹرز رینکنگ میں بھارت کے سوریا کماریادیو بدستور ٹاپ پوزیشن پرموجود ہیں جبکہ پاکستان کے وکٹ کیپر بلے باز محمد رضوان کی دوسری پوزیشن برقرار ہے۔

کیوی بلےباز ڈیون کانوے نے بابراعظم سے تیسری پوزیشن چھین لی، پاکستان ٹیم کے کپتان بابراعظم ایک درجے تنزلی کے بعد تیسرے سےچوتھےنمبرپر چلے گئے ۔

انگلش ٹیم کو ٹی20 میں عالمی چیمپئن بنوانے والے کپتان جوز بٹلر کی رینکنگ میں ایک ایک درجے بہتری آئی ہے وہ 11 ویں نمبر آگئے۔

اس طرح بولرز کی رینکنگ میں پاکستان ٹیم کا کوئی بھی بولرٹاپ 10میں شامل نہیں، سری لنکا کے ونندو ہسارنگا کا پہلا افغان اسپنر راشد خان کی دوسری پوزیشن پر قابض ہیں۔

حارث رؤف، شاہین آفریدی اور شاداب کی رینکنگ میں ایک ایک درجے بہتری آئی ہے، تینوں بالترتیب 16، 17 اور 18 ویں نمبر پر براجمان ہیں۔

ون ڈے بیٹرز رینکنگ میں بابراعظم بدستور پہلے نمبر پر براجمان ہیں جبکہ امام الحق کا دوسرا نمبر ہے۔

ون ڈے بولرز رینکنگ میں شاہین شاہ آفریدی کا پانچواں نمبربرقرارہے۔