انہوں نے اپنی ٹویٹ میں کہا کہ چئیرمین پی ٹی آئی کی حفاظت کے لئے جلسہ گاہ میں آمد اور روانگی کے لئے اشد ضروری ہے کہ ان کے ہیلی کاپٹر کو پریڈ گراونڈ میں اترنے کی اجازت دی جائے۔

اسد عمر کا کہنا تھا کہ انتظامیہ اس میں تاخیر کر رہی ہے اور امید ہے اسلام آباد ہائی کورٹ اس سلسلے میں جلد فیصلہ کرے گا۔

اس سے قبل تحریک انصاف کے حقیقی آزادی مارچ کے حوالے سے وزارت داخلہ نے چاروں صوبوں کو خط لکھا تھا۔

وزارت داخلہ کا خط میں کہنا ہے کہ مارچ کے دوران عمران خان اور شرکاء کو خطرہ ہے، لہٰذا سیکیورٹی کے انتہائی سخت انتظامات عمل میں لائے جائیں۔