نسیم شاہ کی ایک دلچسپ ویڈیو سوشل میڈیا پروائرل ہے جس میں وہ آٹوگراف کے لیے اپنے اردگرد جمع بچوں میں سے ایک کی جانب سے خود کو چاچو پکارنے پرتحفظات کااظہار کررہے ہیں۔

مداحوں سے ملاقات اور انہیں آٹوگراف دینے کے دوران لفظ چاچوسُن کر نسیم نے خوشگوار اندازمیں فوراً سے ٹوکا کہ انہیں اس لفظ سے نہ پکارا جائے۔

فاسٹ بالرنے بچے سے کہا ، ’میں چاچونہیں ہوں، حسنین چاچو ہے. رور وایا (بھائی بولو)‘ ، جس پر سب ہنسنے لگے۔

نسیم نے بچے سے یقین دہانی چاہتے ہوئے کہا کہ اب کہو گے چاچو ، جس پربچے نے نفی میں سرہلایا۔

ایک اور ویڈیو میں دیگرکھلاڑی بھی مداحوں سے ملاقات کرتے ہوئے انہیں آٹوگراف دے رہے ہیں۔