بڑھتے گردوغبار اور بیماریوں سے تنگ شہری بارش کے منتظر ہیں، لیکن بارش ہوئی نہ آلودگی کم ہوئی۔

شہر میں خشک سردی نے ڈیرے ڈال رکھے ہیں جو گردوغبار کو بڑھا رہی ہے اور اب لاہور دنیا کے آلودہ شہروں میں نمبر ون پوزیشن پر ہے۔

محکمہ تحفظ ماحولیات اور ضلعی انتظامیہ کی کارروائیوں کو شہری ماننے کو تیار نہیں۔ کہتے ہیں اقدامات ہوں تو نظر آتے ہیں۔

بڑھتی آلودگی کے خاتمے کیلئے شہری بارش کے منتظر ہیں۔ کہتے ہیں ابرکرم برسے تو ہی اب بیماریوں اور گردوغبار سے چھٹکارا ملے گا۔

آلودہ شہروں کی عالمی فہرست میں لاہور کا ائیر کوالٹی انڈیکس آج 464 ہے۔ محکمہ موسمیات نے آئندہ چند روز تک پنجاب کے میدانی علاقوں میں موسم خشک اور سرد رہنے کی پیش گوئی کی ہے۔