اپنی ایک ٹویٹ میں شہباز گل نے لکھا کہ آج نئے آرمی چیف نے دنیا کی بہترین فوج کی قیادت سنبھالی ہے، جنہیں خوش آمدید کہتے ہیں۔

انہوں کہا کہ جب مقتول صحافی ارشد شریف سے فون پر بات ہوئی تھی تو وہ جنرل عاصم صاحب کے لئے بہت نیک تمنائیں رکھتے تھے۔

پی ٹی آئی رہنما کا کہنا تھا کہ ہم امید کرتے ہیں اور دعا گو ہیں کہ آنے والا وقت پاکستان کے لئے امن اور خوشحالی کا باعث بنے۔

شہباز گل نے مزید کہا کہ عمران خان نے اسمبلیوں سے نکلنے کا فیصلہ کر کے پاکستان کے سیاسی نظام کا ریسیٹ بٹن دبا دیا اور بڑے لیڈر ہونے کا ثبوت دیا ہے۔

واضح رہے کہ جنرل عاصم منیرنے جی ایچ کیو راولپنڈی میں ہونے والی پُروقار تقریب میں سپہ سالار کا منصب سنبھالا، ریٹائرہونے والے جنرل قمرجاوید باجوہ نے کمان کی چھڑی نئے آرمی چیف کے حوالے کی۔