وزيراعظم کے مشير برائے امور کشمیر اور گلگت بلتستان قمرزمان کائرہ نے پيپلز پارٹى کے 55 ويں يوم تاسيس کی تقریب سے خطاب میں کہا کہ بھٹو شہيد نےغير جمہورى اداروں اور جابر طبقات کے خلاف جماعت کى بنياد رکھى۔

انہوں نے کہا کہ پيپلز پارٹى بہت سے نازک وقت سے گزرى ہے، مختلف طريقوں سے پيپلز پارٹى کا راستہ روکنے کى کوشش کى گئی، دنيا کے ہر ميدان میں وزير خارجہ ذوالفقار بھٹو کو جانا جاتا تھا۔

انہوں نے مخالفین پر تنقید کرتے ہوئے کہا کہ سیاست میں روتے نہیں، برداشت اور حوصلہ رکھنا پڑتا ہے۔

پیپلز پارٹی کے رہنما نے کہا کہ تمام اداروں کو اپنے آئینی حدود میں رہ کر اپنا کام کرنا چاہیے۔