آج نیوز کے پروگرام ”آج ایسکلوژیو“ میں گفتگو کرتے ہوئے کامران مرتضیٰ نے کہا کہ عمران خان کوئی صوبائی اسمبلی تحلیل نہیں کرنے جا رہے، ہم انہیں مذاکرات کی تیبل پر آنے کے لئے دعوت دیتے ہیں۔

انہوں نے کہا کہ اگر پی ٹی آئی ارکان اسمبلیوں سے استعفیٰ دیتے ہیں تو وہ تنخواہیں لیتے رہیں گے، اس سے قبل بھی پی ٹی آئی والے اسمبلی سے مستعفی ہونے کے بعد مراعات لے رہے ہیں۔

اس موقع پر رہنما عوامی نیشنل پارٹی (اے این پی) اختیار ولی خان کا کہنا تھا کہ وزیراعلیٰ خیبرپختونخوا محمود خان اسمبلی نہیں توڑیں گے، اس کی اصل وجہ ہے کہ عمران خان کے پی حکومت سے الاؤنس لیتے ہیں۔

اے این پی رہنما نے کہا کہ اسمبلی تحلیل کرنا ہم غیر جمہوری سمجھتے ہیں، البتہ کے پی اس وقت ایک ہزار ارب روپے کا مقروض ہوچکا ہے۔

پروگرام میں گفتگو کرتے ہوئے پی ٹی آئی رہنما سعدیہ سہیل رانا نے کہا کہ تمام ارکان اسمبلی عمران خان کے ساتھ ہیں، مذاکرات مثبت قدم ہے جس کا خیر مقدم کیا جائے جب کہ مذاکرات کا آپشن ہر وقت کھلا رہتا ہے۔