ڈاکوؤں نے بہادرآباد کے علاقے میں کھلے عام لوٹ مارکی، جس کی سی سی ٹی وی فوٹیج منظرعام پرآگئی، موٹرسائیکل سوار ڈاکوؤں کو لوٹ مار کرتے دیکھا جاسکتا ہے۔

فوٹیج میں نطرآرہا ہے کہ ملزمان نے نجی سیکیورٹی گارڈ سے اسلحہ بھی چھین لیا اور چلتے ہوئے روڈ پربلا خوف لوٹ مارکرکے فرار ہوگئے۔

دوسری جانب محکمہ موسمیات کے قریب سے ایک لڑکی کی لاش برآمد ہوئی جس کی شناخت 15 سالہ نیلوفر کے نام سے ہوئی ہے۔

پولیس حکام کا کہنا ہے کہ بظاہر لگتا ہے کہ لڑکی کو کسی نے گلا دبا کر قتل کیا تاہم پولیس نے لاش کو کارروائی کے لئے اسپتال منتقل کردیا ہے۔