فوڈ اتھارٹی نے شاہدرہ ٹاؤن میں واقع معروف ٹریڈرزپرچھاپہ مارا اور کارروائی کے دوران 1987جعلی بوتلیں، 2 کلو جعلی پیکنگ میٹریل، کھلا رنگ برآمد کیا۔

ڈائریکٹر جنرل (ڈی جی) فوڈ اتھارٹی مدثرریاض کا کہنا ہے کہ جعلی کاربونیٹڈ مشروبات تیار ہو رہے تھے، کارروائی کے دوران مختلف برانڈز کے نام کی بوتلیں، ڈھکن اور لیبلنگ برآمد کیے ہیں۔

مدثرریاض نے کہا کہ ممنوعہ اجزا کے استعمال سے جعلی بوتلیں تیارکی جارہی تھیں، آپریشن کے دروان پروڈکشن یونٹ کو بند کرکے ایک ملزم گرفتار کیا ہے۔

ڈی جی فوڈ اتھارٹی کا کہنا تھا کہ ملزم کاشف کے خلاف مقدمہ درج کرلیا گیا ہے۔