پولیس ذرائع کے مطابق فائرنگ ڈی پی او آفس سے چند گز کے فاصلے پر ہوئی جس میں ڈپٹی ڈائریکٹر ایف ائی اے انعام اللہ مروت جاں بحق ہوئے۔

مقتول انعام اللہ مروت ڈی آئی خان میں بطور ڈپٹی ڈائریکٹر تعینات تھے جبکہ پولیس ذرائع کے مطابق پولیس نے واقعے کی تفتیش شروع کر دی ہے۔

ایف آئی آر کے متن کے مطابق مقتول مکان کا معائنہ کرنے گئے تھے جہاں نامعلوم افراد کی فائرنگ سےجاں بحق ہوگئے۔

مقدمہ درج، ملزمان نامزد

وفاقی تحقیقاتی ایجنسی کے مقتول ڈپٹی ڈائریکٹر کے قتل کا مقدمہ تھانہ غزنی خیل میں درج کیا گیا ہے۔

ایف آئی آر میں شریف اللہ اور علی بہادر کو نامزد کیا گیا ہے۔

ایف آئی آر میں بتایا گیا کہ فائرنگ ڈی پی او آفس سے چند گز کے فاصلے پر کی گئی ہے۔

پولیس نے واقعے کی مزید تفتیش شروع کر دی ہے۔