سینئیر صحافی منیزے جہانگیر نے ٹوئٹر پردعویٰ کیا کہ پنجاب حکومت میں اندرونِ خانہ تبدیلی آنے کا امکان ہے، جبکہ نئے وزیراعلیٰ پنجاب سلمان شہباز شریف ہوں گے۔

منیزے جہانگیر کا کہنا تھا کہ وزیرِ اعلیٰ پنجاب چوہدری پرویز الہیٰ اور گجرات کے چوہدریوں نے مزید ارکان اسمبلی کی حمایت حاصل کرنے کی کوششیں شروع کردی ہیں۔

منیزے جہانگیر کے اس دعوے پر ڈاکٹر ارسلان خالد نے طنزیہ کہا کہ میرے ذرائع تو بتارہے ہیں کہ پی ٹی آئی کے سب اراکن کشتی سے کود رہے ہیں اور اختر لاوا پنجاب کے اگلے وزیراعلیٰ بننے جا رہے ہیں۔

ارسلان خالد کے علاوہ مسلم لیگ (ق) کے رہنما مونس الہٰی نے بھی سوال اٹھایا کہ ”آپ کے ذرائع کیا پھونک رہے ہیں؟“