ایس ایس پی سٹی شبیرسیٹھارکا کہنا ہے کہ ملزم کوعلاقہ تھانہ رسالہ کی حدود سے گرفتارکیا جس کی شناخت عادل کے نام سے ہوئی ہے۔

انہوں نے کہا کہ ملزم نے صبح گھریلو جھگڑے کے دوران اپنی بیوی کو چوتھی منزل سے دھکا دے دیا تھا، مقتولہ مریم زخموں کی تاب نہ لاتے ہوئے موقع پر ہی دم توڑ گئی تھی۔

پولیس حکام نے بتایا کہ واقعے کا مقدمہ شوہرعادل کے خلاف رسالہ تھانہ میں متوفیہ مریم کے والد کی مُدعیت میں قتل کی دفعات کے تحت درج کیا گیا ہے۔

مقدمے میں والد نے کہا کہ میری بیٹی مریم کو شوہرشادی کے بعد سے روانہ تنگ کرتا تھا، گزشتہ روزہمارے گھرمیں عادل آیا اور بیٹی سے جھگڑا کیا اسی دوران عادل نے بیٹی کوعمارت سے دھکا دے دیا۔

پولیس نے جھگڑے کے حوالے سے بتایا کہ عادل نے مریم سے پیسے مانگے تھے لیکن 300 روپے کم دینے پردونوں کا جھگڑا ہوا، جبکہ گرفتار ملزم عادل کے ساتھ مزید تفتیش کررہے ہیں۔