مبینہ بیٹی کو کاغذات نامزدگی میں چھپانے پر عمران خان کے خلاف نااہلی کیس سماعت کے لئے مقرر کیا گیا ہے۔

اسلام آباد ہائیکورٹ کے رجسٹرار آفس نے 20 دسمبر کو کیس مقرر کرنے کی کاز لسٹ جاری کردی۔

عدالت نے اس کیس سے متعلق سابق وزیراعظم عمران خان ، الیکشن کمیشن اور وفاق کو پری ایڈمشن نوٹس جاری کر رکھا ہے۔

اسلام آباد ہائیکورٹ کے چیف جسٹس عامر فاروق شہری محمد ساجد کی درخواست پر سماعت کر رہے ہیں ،عدالت نے فریقین کو پری ایڈمیشن نوٹس کرکے جواب طلب کر رکھا ہے۔

درخواست میں مؤقف اپنایا گیا ہے کہ عمران خان نے کاغذات نامزدگی جمع کراتے وقت غلط معلومات فراہم کیں،عمران خان نے اپنے بچوں کی تفصیل میں2کا ذکر کیا ایک کی معلومات چھپائیں۔