سماجی رابطے کی وسائٹ ٹوئٹرسنگاپورکی ایک ٹرین کی ویڈیو گردش کررہی، جس میں انوکھی خصوصیت پائی جاتی ہے۔

ویڈیومیں دیکھا جاسکتا ہے کہ ٹرین جب بھی کسی رہائشی عمارت کے پاس سے گذرتی ہے، تواِس کی کھڑکی کے شیشے دُھندھلے ہوجاتے ہیں تاکہ مسافرعمارت میں موجود رہائشیوں کو نہ دیکھ سکیں۔

گو کہ ظاہر یہ کیا گیا ہے کہ ویڈیو ٹرین میں سوارکسی مسافرکی جانب سے فلمائی گئی جس کے بعد اسے سوشل میڈٰیا پر پوسٹ کردیا گیا اور دیکھتے ہی دیکھتے وائرل ہوگئی تاہم آج نیوز کے فیکٹ چیک پر معلوم ہوا ہے کہ یہ ایک سیمولیشن یعنی کمپیوٹر سے بنائی گئی ویڈیو ہے۔

یہ الگ بات ہے کہ ویڈیو میں پیش کیا گیا خیال جلد ہی حقیقت بن سکتا ہے۔