پاکستان تحریک انصاف (پی ٹی آئی) کے رہنما حلیم عادل شیخ اور اعظم سواتی کے بیٹےعثمان سواتی اور وکیل اعظم سواتی نے ایس ایس پی قمبر صدام خاصخیلی سے ملاقات کی ہے۔ قمبر پولیس کی جانب سے اعظم سواتی کی ان کے بیٹے سے مختصر ملاقات بھی کروائی گی۔

وکیل اعظم سواتی کا کہنا ہے کہ ایس ایس پی قمبر کی جانب سے اعظم سواتی کو اسلام آباد منتقل کرنے کی تصدیق کرتے ہوئے کہا گیا کہ سندھ پولیس اعظم سواتی کی منقلی پر مشاورت کر رہی ہے۔

اعظم سواتی کے وکیل نے مزید بتایا کہ جوڈیشل مجسٹریٹ اینڈ سول جج نصیر آباد نے پولیس کی جانب سے چاروں کیسز کو ختم کرنے کی رپورٹ منظور کر لی ہے۔ پولیس کی جانب سے اعظم سواتی کو لاڑکانہ ڈویژن میں درج چاروں مقدمات میں رہا کرنے کی تصدیق بھی کر دی گئی۔

اس وقت اعظم سواتی قمبر شہدادکوٹ پولیس کے پاس ہیں۔

یہ بھی پڑھیں: اعظم سواتی کی ضمانت کا فیصلہ محفوظ کرنے والے جج کا تبادلہ کردیا گیا

دوسری جانب سندھ ہائی کورٹ نے سینیٹراعظم سواتی کو مزید مقدمات میں گرفتار کرنے سے روک دیا ہے۔

دو روز قبل سندھ ہائیکورٹ میں ہونے والی سماعت کے دوران وکیل کا کہنا تھا کہ بلوچستان ہائیکورٹ نے صوبے میں تمام مقدمات کو ختم کردیا ہے۔