کراچی میں پریس کانفرنس کرتے ہوئے اظہر علی نے کہا کہ انگلینڈ کے خلاف کل ہونے والا کراچی ٹیسٹ ان کے انٹرنیشنل کرئیرکاآخری میچ ہوگا، میرےخیال میں ریٹائرمنٹ لینے کا یہ بہترین وقت ہے۔

اظہر علی پریس کانفرنس کے دوران جذباتی ہوگئے جبکہ اس دوران انہوں نے اپنے سینئرز اور ساتھیوں کا شکریہ ادا کیا۔

قومی کرکٹر نے کہا کہ فینز نے کرکٹ کی وجہ سے بہت پیار دیا جس پر ان کا شکر گزار ہوں، درخواست کرتا ہوں اسی طرح پاکستان کرکٹ کو سپورٹ کرتے رہیں۔

اظہر علی کا کہنا تھا کہ ہر چیز کے ختم ہونے کا وقت ہے، میں چار پانچ سال انجری کا شکار رہا، میری فیملی نے میرے کیرئیر کے لیے بہت قربانیاں دیں، امید ہے اب انہیں کافی ٹائم دے سکوں گا۔