امریکی کاروباری شخصیت ایلون مسک کی جانب سے ٹوئٹرخریدے جانے کے بعد سے کی اس کی پالیسیوں میں مسلسل تبدیلیاں دیکھنے میں آرہی ہیں جن کی تازہ ترین کڑی یہ ہے۔

میڈیا رپورٹ کے مطابق جن صحافیوں کے اکاؤنٹس معطل کیے گیے ہیں، ان میں سی این این، نیو یارک ٹائمز اور واشنگٹن پوسٹ کے ساتھ ہی ساتھ فری لانسرز بھی شامل ہیں۔

واضح رہے کہ ٹوئٹرانتظامیہ کی جانب سے اس حوالے سے کوئی بیان سامنے نہیں آیا ہے جبکہ جن اکاؤنٹس کو معطل کیا گیا ہے ان پرٹوئٹر کی جانب سے پیغام درج ہے۔

نیویارک ٹائمز نے ٹوئٹرکی پابندیاں قابل اعتراض قرار دیتے ہوئے صحافیوں کے اکاؤنٹس بحال کیے جانے کی امیدظاہرکی ہے۔

واضح رہے کہ دو روز قبل ایلون مسک کے پرائیویٹ جہازکوآن لائن ٹریک کرنے والا ٹوئٹر اکاؤنٹ بھی معطل کردیا گیا تھا۔

ٹوئٹرکے مطابق مذکورہ تمام اکاؤنٹس کو قوانین کی خلاف ورزی کرنے پرمعطل کیا گیا ہے۔