کراچی میں پریس کانفرنس کرتے ہوئے کپتان بابراعظم نے کہا کہ اظہر علی کو مبارکباد دیتا ہوں، اظہر علی ہمارے لیے ایک مثال رہے، پورے کیریئر میں انہوں نے کئی یادگار اننگز کھیلی۔

انہوں نے مزید کہا کہ فائنل الیون کے حوالے سے آج رات فیصلہ کریں گے، کراچی کی پچ بھی خشک ہے، کوشش ہوگی کہ غلطیوں کو نہ دہرائیں۔

ان کا کہنا تھا کہ امام الحق کل کا میچ نہیں کھیلیں گے، ان کو ہمسٹرنگ کا ایشو ہے، ہمارے کھلاڑیوں کو آرام نہیں ملا، جس کی وجہ سے کھلاڑی انجرڈ ہو رہے ہیں۔

انہوں نے کہا کہ ہم ٹیسٹ کرکٹ میں مشکلات کا شکار ہیں، انجریز سے ہم کمبینشن نہیں بنا پا رہے، پچھلے دونوں میچز ہاتھ میں تھے، اس کے باوجود شکست ہوئی۔