ایلون مسک کے ٹوئٹرخریدے جانے کے بعد سے میڈیا پلیٹ فارم کی پالیسیوں میں مسلسل تبدیلیاں سامنے آتی جارہی ہیں۔

ایلون مسک کا کہنا ہے کہ عوام نے فیصلہ سُنایا ہے اور 58 فیصد کی رائے کے بعد صحافیوں کے اکاؤنٹ بحال کیے جا رہے ہیں۔

اکاونٹس کی بحالی سے قبل ہی ایلون مسک نے ٹویٹرایک پول کے ذریعےعوام سے رائے طلب کی تھی، جہاں عوام کی اکثریت نے اکاونٹس کی بحالی پر ذور دیا۔

معروف صحافیوں کے اکاؤنٹس کی اچانک بندش

ٹوئٹرکی جانب سے متعدد بڑے بین الاقوامی خبررساں اداروں سے تعلق رکھنے والے صحافیوں کے اکاؤنٹس کو اچانک معطل کردیا گیا تھا۔

جن صحافیوں کے اکاؤنٹس معطل کیا گیا تھا، ان میں سی این این، نیویارک ٹائمز اور واشنگٹن پوسٹ کے ساتھ ہی ساتھ فری لانسرز بھی شامل تھے۔

ٹوئٹرانتظامیہ کی جانب سے اِس حوالے سے کوئی بیان سامنے نہیں آیا تھا اورجو اکاؤنٹس معطل ہوئے تھے ان پرٹوئٹر کی جانب سے پیغام درج تھا۔