عدالت میں دائر کی گئی درخواست میں سابق وزیراعظم عمران خان، وزیراعلیٰ پنجاب پرویز الٰہی، الیکشن کمیشن سمیت دیگر کو فریق بنایا گیا ہے۔

درخواست میں شہری کا کہنا ہے کہ 18 دسمبر کو پرویز الٰہی نے کہا اسمبلی آئینی مدت پوری کرے گی تاہم عمران خان کی ہدایت پر اسمبلی تحلیل کرنا آئین کے خلاف ہے۔

درخواست گزار نے مؤقف اپنایا کہ پنجاب اسمبلی کی تحلیل سے عمران خان کو فائدہ ہوگا جب کہ معاشی صورتحال بھی نئے انتخابات کی متحمل نہیں ہو سکتی۔

واضح رہے کہ گزشتہ دنوں عمران خان نے ایک خطاب میں پنجاب اور خیبرپختونخوا اسمبلیاں 23 دسمبر کو تحلیل کرنے کا اعلان کیا تھا۔