آئین میں لفظ اراکین کی اکثریت“ اور ”ٹوٹل اراکین“ کے معاملہ کو لے کر ن لیگ قانونی پیچیدگیوں کے ذریعے تحلیل کا معاملہ لٹکا سکتی ہے۔

اعتماد کے ووٹ کیلئے کیا موجودہ ارکان کی اکثریت فیصلہ کرے گی؟

آرٹیکل 130 کلاز 7 میں ”اراکین کی اکثریت“ لکھا ہے، جبکہ عدم اعتماد کیلئے لفظ ”ٹوٹل اراکین“ کی اکثریت کا ذکر ہے۔

یہ ذکر آرٹیکل 136 کلاز 3 میں کیا گیا ہے۔

مسلم لیگ ن کے پنجاب اسمبلی میں 18 اراکین معطل ہیں، ن لیگ ان اراکین کی رکنیت کی بحالی کے لئے عدالت گئی ہوئی ہے۔

آئینی ماہرین کا کہنا ہے کہ اعتماد کے ووٹ کیلئے وزیراعلیٰ کو 177 ووٹ درکار ہوں گے۔