ہارون یوسف عزیز اپنے وکیل امجد پرویز کے ہمراہ عدالت میں پیش ہوئے ، جہاں حفاظتی ضمانت کی درخواست پر سماعت ہوئی۔

عدالت نے ملزم ہارون یوسف عزیز کو ضمانت منثظور کرتے ہوئے 14 روز میں متعلقہ عدالت میں پیش ہونے کا حکم دے دیا۔

عدالت نے نیب کو اگلی سماعت پر پیش ہونے تک پٹیشنر کی گرفتاری سے روک دیا، ملزم ہارون یوسف عزیز کے خلاف لاہور کی احتساب عدالت میں ریفرنس زیر سماعت ہے۔

وزیراعظم شہباز شریف کے داماد ہارون یوسف عزیز بین الاقوامی پرواز کے ذریعے اسلام آباد پہنچے تھے۔

انہوں نے احتساب عدالت لاہور میں سرنڈر کرنے کے لیے اسلام آباد ہائی کورٹ میں حفاظتی ضمانت کی درخواست دائر کر رکھی تھی۔

آمدن سے زائد اثاثوں کے کیس میں لاہور کی احتساب عدالت نے ہارون یوسف عزیز کو اشتہاری قرار دے رکھا تھا۔