محکمہ فارسٹ میں 300 اہلکاروں کی بھرتی میں181 وزیرِ اعلی خیبر پختونخوا محمود خان کے علاقے کے بھرتی کئے گئے ہیں۔

بھرتیوں میں وزیر اعلیٰ خیبر پختونخوا محمود خان کا علاقہ خصوصی طور پر نوازا گیا اور 300 اہلکاروں کی بھرتی میں لوئر سوات ڈویژن کے 64 جبکہ کالام ڈویژن کے صرف 28 اہلکار بھرتی ہوئے ہیں۔

اہم دستاویزات آج نیوز نے حاصل کرلی ہیں جس میں باقاعدہ میرٹ کو نظر انداز کیا گیا ہے۔

ڈی ایف او سوات اور پیٹرول اسکواڈ کے ایڈیشنل چارج پر براجمان شاہ حسین کا کہنا ہے کہ جب میں نے چارج سنبھالا، تو ان بھرتیوں کی تمام کاغذی کارروائی مکمل ہوگئی تھی، میں نے صرف دستخط کئے ہیں۔

متاثرہ اُمیدواروں میں کچھ نے عدالتوں میں کیس بھی دائر کئے ہیں اورسوات کی سول سوسائٹی نے میرٹ کے خلاف بھرتیوں پر اعلی سطح کی انکوائر کا مطالبہ کیا ہے۔