غیرملکی خبررساں ایجنسی کے مطابق ترکیہ میں چار برس بعد اسرائیلی سفیر تعینات ہوگئیں ہیں جنھوں نے انقرہ میں صدر طیب اردوان سے ملاقات میں اپنی سفارتی اسناد پیش کی جو قبول کرلی گئی۔

ترکیہ اور اسرائیل میں تعلقات میں بحالی کا آغاز دونوں ممالک کے درمیان ہونے والے اعلیٰ سطحی دوروں کے بعد ہوا ہے۔

خیال رہے کہ ایرٹ لی لیان جنوری2021 سے انقرہ میں اسرائیل کے چارج ڈی افیئرز تعینات تھیں لیکن اب وہ باضابطہ طورپر سفیر بن گئیں ہیں۔

اسرائیل اور ترکیہ کے درمیان تعلقات ایسے وقت کشیدہ ہوئے جب 2010 میں غزہ جانیوالے امدادی جہاز پر اسرائیلی فوج نے حملہ کیا تھا جس میں 10 ترک شہری ہلاک ہوئے تھے۔