وادی نیلم کے بالائی علاقوں تاو بٹ، ہلمت نکرو، شونٹھر میں درجہ حرارت نقطہ انجماد سے گرگیا جبکہ کیل، شاردہ، رتی گلی، بابون اور جاگراں میں بھی رگوں میں خون جما دینے والی سردی کا راج ہے۔

اسٹیٹ ڈیزاسٹر مینجمنٹ اتھارٹی کی جانب سے سیاحوں کو سردی اور موسمی اثرات سے بچنے کیلئے ایڈوائزری جاری کردی ہے جس میں کہا گیا ہے کہ سیاح شدید برفباری اور لینڈ سلائیڈنگ والے علاقوں میں جانے سے اجتناب کریں۔

مزید کہا کہ برفانی علاقوں میں جیپ اور دیگر فور ویل ڈرائیو گاڑیوں پرسفر کرنے کے ساتھ ہی گرم ملبوسات کھانے پینے کی اشیاء ضروری ادویات ساتھ رکھیں۔

اتھارٹی کا کہنا ہے کہ کسی بھی ناگہانی صورتحال سے نمٹنے کیلئے ریسیکو 1122 ٹور ازم پولیس اور انتظامیہ سے رابطہ کریں۔

اس کےعلاوہ پاکستان کے شمالی ضلع غذرمیں ہرطرف برف ہی برف نظر آرہی ہے جس سےعلاقے کی خوبصورتی میں مزید اضافہ ہوگیا ہے۔