عدالت میں بھینس کالونی میں ریڈ لائن بس ٹرمینل اوربائیوگیس پلانٹ لگانے کے خلاف درخواست پر سماعت ہوئی۔

عدالت نے چیف سیکریٹری، محکمہ صحت، محکمہ ٹرانسپورٹ، پروجیکٹ ڈائریکٹرسمیت دیگرکو نوٹس جاری کرتے ہوئے منصوبوں کی تفصیلات پیش کرنے کا حکم دیا ہے۔

درخواست گزارکے وکیل کا کہنا تھا کہ ماحولیاتی تجزیے کے بغیر اس طرح کا پلانٹ انسانی صحت کیلئے نقصان دہ ہوسکتا ہے حکومت منصوبے کیلئے پرایئویٹ زمینیں بھی حاصل کررہی ہے۔

مزید کہا کہ بھینس کالونی میں مذبح خانوں کیلئے مختص 31 ایکڑ زمین پر گیس پلانٹ لگانے کا منصوبہ بنایا گیا ہے۔

عدالت کی جانب سے فریقین کو16جنوری تک منصوبے کی تفصیلات پیش کرنے کی ہدایت کی گئی ہے۔