سماجی رابطے کی ویب سائٹ ٹوئٹر اپنے ٹویٹ میں وفاقی وزیر اطلاعات مریم اورنگزیب نے بتایا کہ شہباز شریف نے مریم نواز کو مسلم لیگ (ن) لیگ کی سینئر نائب صدر مقرر کر دیا ہے۔

مریم اورنگزیب نے پارٹی صدر کے فیصلے کا نوٹیفکیشن بھی جاری کردیا، نوٹیفکیشن پاکستان مسلم لیگ (ن) کے صدر شہباز شریف کے دستخطوں سے جاری ہوا۔

انہوں نے بتایا کہ شہباز شریف نے مریم نواز شریف کو پارٹی کا چیف آرگنائزر بھی مقرر کر دیا اور پارٹی کی تنظیم نو کی ذمہ داری مریم نواز شریف کو سونپ دی گئی، مریم نواز تمام سطحوں پر پارٹی کو ری آرگنائز کریں گی۔

اس فیصلے کے حوالے سے وزیر خزانہ اسحاق ڈار نے اپنے ایک ٹوئٹ میں مریم نواز کو مبارکباد دی اور نیک تمناؤں کا اظہار بھی کیا۔