سیکیورٹی ذرائع کا کہنا ہے کہ خود کش حملہ آور کی شناخت موقع سے ملنے والے موبائل سم سے ہوئی جو اسی کے نام پر تھی۔

ذرائع کے مطابق حملہ آور کا نام ثاقب الدین اور عمر بائیس سال ہے جو کرم ایجنسی کا رہائشی تھا۔

ثاقب الدین نے 22 دسمبر کو کرم سے صوابی کا سفر کیا، حملہ آور نے رات صوابی میں گزاری اور صبح اسلام آباد پہنچا۔

خودکش حملہ آور 12 کلو گرام بارود سے بھری جیکٹ پہنے ہوئے تھا، جسے راولپنڈی کے رہائشی نے مدد فراہم کی۔