فیصل نیازترمذی کا کہنا ہے کہ گزشتہ برس میں 10 ارب 60 کروڑ ڈالر کی تجارت ریکارڈ کی گئی تھی، جو پاکستان کا مشرق وسطیٰ اور شمالی افریقہ کے خطے (مینا) میں سب سے زیادہ تجارتی حجم ہے۔

امارات نیوز ایجنسی (وام) کودئیے گئے خصوصی انٹرویو میں پاکستانی سفیر نے کہا کہ دوطرفہ تجارت کے مواقع موجود ہیں، مجھے اس کو مزید مستحکم بنانے کی ذمہ داری دی گئی ہے۔

گزشتہ برس اکتوبرسے یواے ای میں اپنی سفارتی ذمہ داریاں سنبھالنے والے سفیر کا کہنا تھا کہ پاکستانی متحدہ عرب امارات کو اپنا دوسرا گھر سمجھتے ہیں اور یہ کہ دونوں ممالک کے درمیان قریبی جغرافیائی قربت ایک ساتھ کام کرنے کا بہترین موقع ہے۔

سفیرفیصل نیاز نے کہا کہ متحدہ عرب امارات اور پاکستان کے درمیان تاریخی تعلقات ہیں، پاکستان پہلا ملک تھا جس نے متحدہ عرب امارات کے قیام سے چھ ماہ قبل یہاں اپنا سفیر بھیجا تھا۔