الیکشن کمیشن نے سینیٹر اسحاق ڈار کے خلاف تحریک انصاف کے رہنما شہزاد وسیم کی درخواست مسترد کر دی۔

الیکشن کمیشن نے کہا کہ منتخب ہونے کے بعد 2 ماہ حلف نہ اٹھانے پر نااہلی کے آرڈیننس کا اطلاق اسحاق ڈار پر نہیں ہوتا۔

الیکشن کمیشن نے اسحاق ڈار کے خلاف ازخود کارروائی شروع کی تھی اور وزیرخزانہ سے متعلق 26 ستمبر 2022 کو فیصلہ محفوظ کیا تھا،حلف نہ اٹھانے پر اسحاق ڈار کی نشست خالی قرار دینے پر فیصلہ محفوظ کیا گیا تھا۔

اسحاق ڈار کی کامیابی کا نوٹیفکیشن 29 مارچ 2018 کو معطل ہوا تھا،سپریم کورٹ سے درخواست خارج ہونے پر نوٹیفکیشن بحال کیا گیا تھا،جس کے بعد انہوں نے پاکستان پہنچ کر بطور ممبر سینیٹ اور وزیر خزانہ حلف لیا تھا۔