کراچی میں نیوزی لینڈ کے خلاف پہلے ایک روزہ میچ میں پاکستان کی فتح کے بعد عبوری سلیکشن کمیٹی کے سربراہ شاہد خان آفریدی نے اپنی ٹوئٹ میں کہا کہ شاندار کوشش اور کارکردگی پر بابر اعظم اور پوری ٹیم کو مبارکباد پیش کرتا ہوں، آج ہم نے کھیل کے ہر شعبے میں نیوزی لینڈ کو آؤٹ کلاس کردیا۔

انہوں نے کہا کہ بابراعظم ، نسیم شاہ ، اسامہ میر ، حارث سہیل اور محمد رضوان کے لئے بڑا دن ہے، فخرزمان نے بھی اچھا آغاز فراہم کیا، امید ہے ہم دوسرے میچ میں بھی کارکردگی کا تسلسل برقرار رکھیں گے۔

یاد رہے کہ گزشتہ روز کراچی کے نیشنل اسٹیڈیم میں کھیلے گئے پہلے ون ڈے میں گرین شرٹس نے کیویز کو 6 وکٹوں سےشکست دی تھی۔