عمران خان کی زیر صدارت زمان پارک میں پارٹی کا اہم اجلاس ہوا جس میں شاہ محمود قریشی، اسدعمر،ا عجاز چوہدری سمیت پنجاب کے تمام ڈویژنل کے کوآرڈینیٹرز اور پارلیمانی لیڈر عثمان بزدار شریک ہوئے۔

اجلاس میں اعتماد کے ووٹ کے معاملے اور اپنی اپنی ڈویژن کے ارکان سے رابطوں پر ہر کوآرڈینیٹر نے بریفنگ دی۔

اس موقع پر پی ٹی آئی چیئرمین کا کہنا تھا کہ ارکان کی تعداد مکمل رکھی جائے، عدالت نے کہا تو اعتماد کا ووٹ لیں گے، ہماری تیاریاں مکمل ہیں سازشوں سے نہیں گھبرائیں گے۔