محکمہ موسمیات نے موسم کی صورتحال بتاتے ہوئے خبردار کیا کہ 11 سے 13 جنوری تک مری، گلیات، ناران، کاغان، دیر، سوات، کوہستان، مانسہرہ، ایبٹ آباد، شانگلہ، استور، ہنزہ، اسکردو، نیلم میں شدید برفباری سے سڑکیں بند ہوسکتی ہیں۔

نیشنل ہائی ویز اینڈ موٹروے پولیس کے مطابق اسلام آباد مری ایکسپریس وے پر لوئر ٹوپا اور پتریاٹا موڑ کے درمیان برفباری کا سلسلہ جارہی ہے، جس وجہ سے عوام کو غیر ضروری سفر سے گریز کرنے اور احتیاط سے گاڑی چلانے کی ہدایت دی گئی ہے۔

برفباری، سیاحوں کی مری آمد

مری میں ہونے والی موسم سرما کی دوسری برفباری نے مقامی سیاحوں کو اپنی جانب راغب کیا، جن میں راولپنڈی اور اسلام آباد کے مقامی افراد شامل ہیں، جبکہ سیاح اس بارگزشتہ برس برفانی طوفان میں جاں بحق ہونے والوں کی یاد میں بھی آئے۔

واضح رہے کہ گزشتہ برس مری کی سڑکوں پر برفانی طوفان میں سینکڑوں سیاح پھنس گئے تھے جس کے نتیجے میں 22 افراد جاں بحق ہوئے تھے کیونکہ ان میں سے متعدد سیاحوں کے پاس ہوٹل کی بکنگ نہیں تھی۔

جاں بحق ہونے والے سیاحوں نے اس امید کے ساتھ ایک دن کے سفرکا پروگرام بنایا تھا کہ وہ واپس لوٹ آئیں گے لیکن ایسا ممکن نہیں ہوا جبکہ ہل اسٹیشن پر قائم ہوٹل رعایت دے رہے ہیں لیکن پھر بھی سیاحوں ان کی جانب جانے سے گریز کررہے ہیں۔