کراچی میں میڈیا سے گفتگو کرتے ہوئے فاروق ستار نے کہا کہ ہم نےبہت سے نوجوانوں کو اپنی جانب راغب کیا، ہمیں نوجوانوں کو آگے لاکرانہیں قیادت سونپنی ہے اور نوجوانوں کو ایم کیو ایم پاکستان کے ووٹ بینک سے جوڑیں گے۔

فاروق ستار نے کہا کہ آج مظلوم حق پرست عوام کے لیے خوشخبری ہے کہ ایم کیو ایم پاکستان یکجا ہو رہی ہے، پارٹی تینوں دھڑے آپس میں ضم ہو رہے ہیں۔

ان کا کہنا تھا کہ تمام کارکنوں کے ساتھ ہم ایم کیو ایم پاکستان کے بہادرآباد سینٹر جا کر صاف ستھری ایم کیو ایم کو دوبارہ لانچ کر رہے ہیں اور ہم ماضی کو چھوڑ کو کراچی سمیت پورے سندھ کی تعمیر نو میں کردار ادا کریں گے۔