فواد چوہدری کی ایک ویڈیو ٹوئٹر پر وائرل ہورہی ہے، جس میں وہ ایک انٹرویو کے دوران بتا رہے ہیں کہ انہوں نے سب سے لذیذ گول گپے کہاں کھائے۔

انہوں نے بتایا کہ ”میں نے پرسوں لاہور میں جو گول گپے کھائے ہیں وہ اتنے مزیدار تھے کہ میں نے پہلے اتنے مزیدار گول گپے کبھی کھائے ہی نہیں تھے۔“

انہوں نے ایک سوال پر کہا کہ “دراصل میرا گلا بہت خراب تھا، زمان پارک کے سیکیورٹی آفیسر نے بتایا کہ آپ گول گپے کی چٹنی ایک گلاس بھر کر پی جائیں، میں کہا چلو چیک کرتا ہوں اور وہ بڑا مجرب نسخہ تھا ۔

پی ٹی آئی رہنما نے بتایا کہ گول گپے کھاتے ہوئے انہیں گورنمنٹ کالج کی یاد آگئی۔

انہوں نے مقبول شعربھی سُنایا، ’یہ جو لاہور سے محبت ہے ۔۔۔۔ یہ کسی اور سے محبت ہے۔‘