ٹی سیریز کی جانب سے یوٹیوب پر جاری کیے گئے گانے میں معروف بھارتی ڈانسر نورا فتیحی اور بالی ووڈ اداکار راج کمار راؤ کو دیکھا جاسکتا ہے ۔

یوٹیوب پر گانے کو چند ہی گھنٹوں میں 5 ملین سے زائد لوگ دیکھ چکے ہیں۔

مشہور گانے ’ اچھا صلہ دیا تو نے میرے پیار کا’ کو پاکستان کے نامور گلوکار عطاءاللہ عیسیٰ خیلوی نے 80 کی دہائی میں گایا تھا۔

پھر اسے 1995 میں سونو نگم نے بالی وڈ فلم ’بے وفا صنم‘ کیلئے چوری کیا تھا۔

نئے گانے میں دیکھا جاسکتا ہے کہ راجکمار راؤ ایک کار حادثے سے بچ کر اپنے گھر لوٹتے ہیں تاکہ اپنی بے وفا محبوبہ نورا فتیحی سے انتقام لے سکیں۔

واضح رہے کہ بالی ووڈ انڈسٹری میں اکثر ہی ایسا ہوتا ہے کہ پاکستان کے مشہور گانوں کو چرا کے اسے اپنے انداز میں ری میک کرلیا جاتا ہے ۔