بریت کے بعد میڈیا سے گفتگو میں راؤ انوار نے کہا کہ الحمد اللہ جھوٹے کیس کا آج انجام ہوگیا، اللہ پاک نے ہمارے ساتھ انصاف کیا، جج نے انصاف کیا، سارا زور لگایا لیکن یہ کچھ نہیں کرسکے۔

راؤ انوار نے کہا کہ مزید تفصیلات میں چینل پر ٹاک شوز اور انٹرویوز میں بتاؤں گا۔

انہوں نے کہا کہ پچیس آدمی ناجائز چالان کئے، اس (نقیب) کو ایک گولی لگی، اس کا نام نقیب اللہ تھا ہی نہیں، اس کا نام نسیم اللہ تھا۔

انہوں ے دعویٰ کیا کہ اس کی غلط تصویر میڈیا پر چلوائی گئی، اس کا اصل شناختی کارڈ ہمارے پاس موجود ہے، وہ ایک وانٹڈ آدمی تھا جسے 2016 میں اشتہاری قرار دیا گیا تھا۔ ڈان، جنگ اور ایک سندھی اخبار میں اس کا اشتہار موجود ہے۔

انہوں نے ایک سوال کے جواب میں کہا کہ میرا ایک سال جو سروس کا باقی ہے میں دوبارہ اس شہر کی خدمت کروں گا، میں نے ہمیشہ اس شہر کی خدمت کی ہے، بہت سے ظالموں سے لوگوں کو نجات دلائی ہے۔