نقیب اللہ قتل کیس میں مدعی کے وکیل صلاح الدین پہنور کا کہنا ہے کہ انسداد دہشت گردی عدالت کا فیصلہ چیلنج کریں گے، مقدمے میں پولیس نے تعاون نہیں کیا، بیانات سے منحرف پولیس اہلکاروں کے خلاف محکمہ جاتی کارروائی بھی نہیں ہوئی۔

واضح رہے کہ کراچی کی انسداد دہشتگردی عدالت نے نقیب اللہ قتل کیس کا فیصلہ سناتے ہوئے راؤ انوار سمیت دیگر 17 ملزمان کو بری کردیا۔

عدالتی فیصلے میں کہا گیا ہے کہ پراسیکیوشن الزامات ثابت کرنے میں ناکام رہی۔

سابق ایس ایس پی ملیر راؤ انوار نے عدالتی فیصلے کا خیر مقدم کرتے ہوئے کہا کہ میرے خلاف غلط کیس بنایا گیا تھا، آج عدالت نے انصاف کردیا۔

نقیب اللہ کو 13 جنوری 2018 کو کو جعلی پولیس مقابلے میں قتل کیا گیا تھا، کیس 4 سال تک چلتا رہا جس کا فیصلہ 14 جنوری 2023 کو محفوظ کیا گیا تھا۔