ایک بیان میں اسٹیٹ بینک نے کہا کہ بینکس تمام درآمد کنندگان کو ایک بار سہولت فراہم کرتے ہوئے 31 مارچ تک درآمدی سامان کی دستاویزات پر کارروائی کریں۔

ایس بی پی نے کہا کہ تاجروں کوشکایت ہے کہ شپنگ کنٹینرزکی بڑی تعداد بندرگاہوں پر پھنس گئی ہے، درآمد کنندگان ادائیگیوں کے لیے بیرون ملک سے فنڈز کا انتظام بھی کرسکتے ہیں۔

اسٹیٹ بینک نے بینکوں کو ہدایت دیتے ہوئے کہا کہ ایسی درآمدات جو 18جنوری تک بندرگاہ پر پہنچ چکی ہیں، بینکس 31 مارچ تک ان درآمدی سامان کی دستاویزات پر کارروائی کریں۔